"Why dois your brand sae drap wi bluid, Edward, Edward, Why dois your brand sae drap wi bluid. And why sae sad gang yee O?" "O I hae killed my hauke sae guid, Mither, mither O I hae killed my hauke sae guid, And I had nae mair bot hee O." "Your haukis bluid was nevir sae reid, Edward, Edward, Your haukis bluid was nevir sae reid, My deir son I tell thee O." "O I hae killed my reid-roan steid, Mither, mither, O I hae killed my reid-roan steid, That erst was sae fair and frie O."
