Identify the passage given
""Yee, Wynnere," quod Wastoure, "thi words are vayne.
With oure festes and oure fare we feden the pore;
It es plesynge to the Prynce that paradyse wroght.
When Cristes peple hath parte, Hym payes alle the better
Then here ben hodirde and hidde and happede in cofers,
That it no sonn may see thurgh seven wyntter ones,
Owthir freres it feche when thou fey worthes,
To payntten with thaire pelers or pergett with thaire walles."
